Kijana Wa Kiislam

MWANAMKE AKAMATWA NA SARE ZA JESHI

POLISI Kanda Maalum ya Dar es Salaam inamshikilia mkazi wa Mwasonga, Kigamboni, Saida Mohamed (30) kwa tuhuma za kupatikana na sare za Jeshi la Wananchi wa Tanzania (JWTZ).

Kamanda wa Kanda Maalum ya Dar es Salaam, Kamishna wa Polisi Suleiman Kova, alisema mtuhumiwa huyo alikamatwa juzi saa 4.00 asubuhi akiwa na suruali saba za kombati, mashati yake saba, kofia zake 10, mashati mawili mepesi ya ofisini, fulana mbili, kofia aina ya bareti moja, viatu jozi tatu, ponjoo moja, koti moja, begi moja la kuweka nguo za jeshi, cheo kimoja cha CPL na mikanda miwili ya kijeshi.